Россиялик пропагандист Владимир Соловёв Марказий Осиё давлатларига қилган таҳликали баёнотидан кейин ишдан олинди, дея хабар бермоқда “Strategic Focus: LIVE”.
Унда қайд этилишича, “Россия-1” телеканали эфир жадвалида Владимир Соловёв олиб борадиган “Вечер с Владимиром Соловёвым” дастури вақтинча сериал билан алмаштирилган.
Шу билан бирга, илгари Соловёв иштирок этган “Комсомолская правда” радиосидаги тонгги эфирлар ҳам эндиликда бошқа журналистлар иштирокида олиб борилмоқда.
Ушбу ўзгаришлар ортидан бир қатор Россия оммавий ахборот воситалари Соловёвнинг эҳтимолий истеъфоси ҳақида хабар тарқатди.
“Соловёвнинг ишдан олиш тўғрисида Россия президенти администрацияси раҳбарининг биринчи ўринбосари Алексей Громов топшириқ берган”, — дейилади хабарда.
