"Мамлакатлар мулкка эгалик қилишлари ва уни ҳимоя қилишлари керак, ижарага олган нарсаларини эмас. Ва биз Гренландияни ҳимоя қилишимиз керак бўлади", деди Трамп жума куни журналистларга ББCнинг саволига жавоб берар экан.
Унинг қўшимча қилишича, Вашингтон бунга "осон йўл" ёки "қийин йўл" билан эришиши мумкин.
Яқинда Оқ уй Америка маъмурияти Қўшма Штатлар каби НАТО аъзоси бўлган Данияга тегишли автоном ҳудудни назорат қилишнинг бир неча йўлларини ўрганаётганини эълон қилди. Вашингтон оролни сотиб олишни кўриб чиқмоқда, аммо уни куч билан аннекция қилишни ҳам истисно қилмайди.
Дания ва Гренландия бу ҳудуд сотилмаслигини даъво қилмоқда. Копенгаген АҚШнинг Данияга қарши ҳарбий операцияси Шимолий Атлантика мудофаа иттифоқининг тугашини англатишини таъкидламоқда.
Жума куни кечқурун Гренландиянинг асосий партиялари, жумладан, мухолифат етакчилари қўшма баёнот бериб, "АҚШнинг мамлакатимизга нисбатан нафратини тўхтатиш"га чақирдилар.
"Биз америкалик бўлишни хоҳламаймиз, биз даниялик бўлишни хоҳламаймиз, биз гренландиялик бўлишни хоҳлаймиз", дейилади баёнотда. "Гренландиянинг келажагини гренландияликларнинг ўзлари белгилаши керак".
