Бу ҳақда 6 январь куни Парижда бўлиб ўтган “Кўнгиллилар коалицияси” саммитида Франция Президенти Эммануэл Макрон, Буюк Британия Бош вазири Кир Стармер ва Украина Президенти Владимир Зеленский имзолади.
Декларацияда беш асосий йўналиш кўзда тутилган:
- АҚШ ўт очишни тўхтатиш режимини назорат қилади ва қоида бузилиш ҳоллари учун махсус комиссия тузилади;
- Кўнгиллилар коалицияси аъзолари Украина Қуролли кучларини молиявий ва ҳарбий жиҳатдан қўллаб-қувватлайди;
- Украина ҳудудида кўп миллатли кучлар жойлаштирилади;
- Россия янги ҳужум қилса, қўллаб-қувватлаш бўйича ҳуқуқий мажбуриятлар ишлаб чиқилади;
- узоқ муддатли ҳарбий ҳамкорлик ривожлантирилади.
Франция, Буюк Британия ва Украина уч томонлама декларация имзолаб, уруш тўхтатилгач Украина ҳудудида қўшин юборишга тайёр эканини эълон қилди. Шу билан бирга, Россия бундай ҳарбий қўшинларни хавфсизликка таҳдид деб билишини бир неча бор билдирган.
Зеленский эса 29 декабрда АҚШдан Украина учун 30–50 йиллик хавфсизлик кафолатлари сўраган эди; ҳозир томонлар 15 йиллик кафолат вариантини муҳокама қилмоқда.
