Венесуела атрофидаги кескинлик кучайган бир пайтда унинг асосий иттифоқчилари бўлиб келган Россия ва Хитойнинг позицияси тобора эҳтиёткор тус оляпти. Йиллар давомида Каракасни сиёсий, молиявий ва қисман ҳарбий жиҳатдан қўллаб келган икки давлат ҳозирча қатъий амалий ёрдам кўрсатишдан тийилмоқда.
Мутахассислар фикрича, бу ҳолат АҚШнинг Кариб денгизи минтақасида ҳарбий фаолликни кескин оширгани билан боғлиқ. Москва Украина уруши шароитида янги фронт очишни истамаяпти, Пекин эса АҚШ билан тўғридан-тўғри қарама-қаршиликка киришмасдан, ўз иқтисодий манфаатларини сақлаб қолишга уринмоқда.
Шу тариқа, Венесуэлага нисбатан қўллаб-қувватлаш баёнотлар даражасида сақланиб қолмоқда, амалда эса Москва ва Пекин эҳтиёткорлик билан вазиятни кузатишни афзал кўряпти.
