Бу ҳақда Стратегик ислоҳотлар агентлиги томонидан тайёрланган тегишли лойиҳада маълум қилинди.
Ҳужжатга кўра, ичимлик суви хизматларидан доимий фойдаланиш имкониятига эга аҳоли улуши 2026 йилда 82 фоизга, 2027 йилда 83 фоизга, 2028–2029 йилларда 84 фоизга, 2030 йилга келиб эса 85 фоизга етказилади. Шу билан бирга, 2030 йилгача барча мактабгача таълим ташкилотлари ва умумий ўрта таълим муассасалари тоза ичимлик суви ҳамда замонавий санитария инфратузилмаси билан тўлиқ таъминланади.
Шунингдек, сувдан фойдаланиш самарадорлигини 25 фоизга ошириш, барча истеъмолчиларни ҳисоблагичлар билан қамраб олиш, ерости сув сатҳи муаммоли бўлган майдонларни қисқартириш ҳамда йирик сув иншоотларини кенгайтириш режалаштирилган.
