Айтилишича, 31 декабрь куни тонгги соат 06:30 ларда Сирдарё вилоятининг Гулистон шаҳри “Янгибозор” маҳалласи ҳудудида ЙПХ ходими бошқарувидаги автомашина йўлни кесиб ўтаётган 1987 йилда туғилган аёлни юқори тезликда уриб юборган. Оқибатда аёл воқеа жойида вафот этган.
Маълум қилинишича, жабрланувчи соат 06:55 да клиник ўлим ҳолатида шифохонага олиб борилган. Шифокорлар томонидан кўрилган чораларга қарамай, соат 07:50 да биологик ўлим қайд этилган. Унга очиқ бош мия жароҳати, мияга қон қуйилиши гумони, суяклар синиши, ички қон кетиш ва ҳаёт билан номутаносиб шикастлар ташхиси қўйилгани айтилмоқда.
Айтилишича, марҳуманинг 3 нафар фарзанди бор. Ҳодиса юзасидан тегишли идоралар томонидан текширув олиб борилмоқда.
