Адлия вазирлиги хабарига кўра, айрим олий таълим муассасаларида асарлар муаллиф ёки бошқа ҳуқуқ эгаларининг розилигисиз, шартномалар тузилмаган ҳолда тўлиқ электрон шаклга ўтказилиб, unilibrary.uz платформаси ҳамда университетларнинг ижтимоий тармоқлардаги саҳифаларига жойланган.
Муаллифлик ҳуқуқи бузилган олийгоҳлар қуйидагилар:
— Алишер Навоий номидаги Тошкент давлат ўзбек тили ва адабиёти университети;
— Мирзо Улуғбек номидаги Ўзбекистон Миллий университети;
— Тошкент давлат шарқшунослик университети;
— Ўзбекистон давлат санъат ва маданият институти;
— Низомий номидаги Ўзбекистон миллий педагогика университети.
Аниқланган ҳолатлар юзасидан масъул шахсларга Маъмурий жавобгарлик тўғрисидаги кодекснинг тегишли моддалари асосида баённомалар расмийлаштирилиб, ишлар судларга юборилган.
Қонунчиликка кўра, муаллиф ёки ҳуқуқ эгаси етказилган зарарни қоплаш учун ҳуқуқбузардан БҲМнинг 20 баробаридан 1000 баробаригача миқдорда товон талаб қилиш ҳуқуқига эга.
