АҚШ президенти Дональд Трамп ва Украина раҳбари Владимир Зеленский Флоридада бўлиб ўтган учрашувда Россия–Украина урушига барҳам бериш масаласини муҳокама қилди. Томонлар тинчликка яқинлашилганини айтса-да, Донбасс бўйича келишув ҳали йўқ.
28 декабрь куни Мар-а-Лагода бўлиб ўтган қарийб уч соатлик музокаралардан сўнг Трамп суҳбатни “ажойиб” дея баҳолаб, тинчлик келишуви шартларининг катта қисми бўйича якдилликка эришилганини билдирди. Унинг сўзларига кўра, асосий очиқ қолган масала — Донбасс ҳудудларининг келажаги.
Зеленский эса Донбасс масаласида Украинанинг позицияси ўзгармаслигини, барқарор тинчлик учун эса энг аввало хавфсизлик кафолатлари муҳим эканини таъкидлади. Томонлар яқин ҳафталарда музокаралар яна давом этишини истисно қилмади.
