Қонун 2025-йил 5 декабрь куни Олий Мажлис Қонунчилик палатаси томонидан қабул қилиниб, 18 декабрь куни Сенатда маъқулланган. Ҳужжат 2026-йил учун Ўзбекистоннинг консолидациялашган бюджети шакллантирилиши ва ижро этилиши билан боғлиқ муносабатларни тартибга солади.
Қонунга мувофиқ, 1-даражали бюджет маблағларини тақсимловчиларга ажратиладиган маблағлар фақат 2026 молия йили давомида фойдаланилади ва кейинги йилга ўтказилмайди.
Шунингдек, 2026-йил учун ижара тўловларининг энг кам ставкалари, айрим товарлар билан чакана савдо қилиш ҳуқуқи учун йиғимлар ҳамда чет эл автотранспорт воситаларининг Ўзбекистон ҳудудига кириши ва транзити учун йиғим ставкалари тасдиқланди. Консолидациялашган бюджет тақчиллигининг энг юқори миқдори ялпи ички маҳсулотнинг 3 фоизи этиб белгиланди.
Қонун 2026-йил 1 январдан кучга киради.
