“Интер Майами” ва Аргентина терма жамоаси ҳужумчиси Лионель Мессининг синглиси Мария Соль Месси АҚШнинг Майами шаҳрида йўл-транспорт ҳодисасига учради. Бу ҳақда “Nueva Rioja” нашри хабар берди.
Маълум қилинишича, автоҳалокат натижасида у куйиш жароҳатлари, умуртқа поғонаси, товон ва билак суякларининг синиши каби оғир тан жароҳатларини олган. Шифокорлар Мария Сольга узоқ муддатли реабилитация зарурлигини билдирган.
Шу сабабли у 2026 йил 3 январь куни бўлиб ўтиши режалаштирилган тўй маросимини номаълум муддатга қолдиришга мажбур бўлган. Даволанишнинг дастлабки босқичидан сўнг у реабилитацияни давом эттириш учун Росарио шаҳрига қайтарилган.
