Хитойда 9 декабрь куни компаниянинг собиқ бош директори Бай Тянхуй 1,1 миллиард юань (тахминан 156 миллион доллар) пора олгани учун қатл этилди.
Тергов маълумотларига кўра, у 2014–2018 йилларда юқори лавозимларидан фойдаланиб, катта суммада пул ва активларни ноқонуний қабул қилиб келган.
Бай Тянхуй 2024 йил май ойида ўлим жазосига ҳукм қилинган, февралдаги апелляцияси рад этилганидан кейин ҳукм Олий суд томонидан тасдиқланган. Маҳкумнинг оиласи воқеага изоҳ беришдан бош тортди.
Бу қатл Хитойнинг молия секторидаги кучайтирилган коррупцияга қарши кураш жараёнидаги навбатдаги йирик иш бўлди.
2021 йилда “Ҳуаронг” собиқ раиси Лай Сёмин 1,79 миллиард юан пора олганликда айбланиб қатл этилгани эслатиб ўтилди.
