Швеция ҳукумати 5 декабрь куни уюшган жиноятчиликка қарши кураш доирасида жиноят гуруҳлари етакчиларини фуқароликдан маҳрум этиш имконини берувчи конституциявий ўзгартиришлар пакетини тақдим этди. Бу ҳақда “Reatures” хабар берди.
Январь ойида Парламент қўмитаси давлатга хиёнат ёки жосусликда айбланган шахсларнинг фуқаролигини бекор қилишга имкон берувчи тузатишларни таклиф қилган эди. Энди ҳукумат бу доирани кенгайтириб, жамиятга жиддий зарар етказган жиноят гуруҳлари етакчиларини ҳам фуқароликдан маҳрум қилиш механизмини жорий этмоқчи.
Адлия вазири Гуннар Стрöммернинг айтишича, парламентга киритилган янги қонун лойиҳаси икки фуқароликка эга бўлган ва миллий хавфсизлик учун муҳим бўлган оғир жиноятларда айбланган шахсларнинг паспортини бекор қилишга рухсат беради.
Таклиф этилаётган конституциявий ўзгаришлар 2027 йил бошидан кучга кириши кутилмоқда.
Швеция сўнгги ўн йил давомида зўравонлик жиноятларининг кескин кўпайиши билан курашиб келмоқда. Жиноятчиларнинг катта қисми 15 ёшдан кичик бўлиб, бу эса мамлакатдаги жиноий жавобгарлик ёшига тенг. Шунингдек, швед жиноят тармоқларининг Норвегия, Дания ва Финляндияга кенгайиши минтақада жиддий хавотир уйғотган.
Сентабр ойида ҳукумат ёшлар жиноятчилигига қарши курашиш мақсадида жиноий жавобгарлик ёшини 13 га тушириш режасини ҳам эълон қилган эди, бироқ аксарият давлат идоралари ва ташкилотлар ушбу таклифга қарши чиққан.
