Марказий банкнинг янги маълумотларига кўра, 2 декабрь учун белгиланган расмий курсда АҚШ доллари 45,38 сўмга арзонлаб, 11 895,57 сўмни ташкил этди.
Евро қиймати 11,73 сўмга ошиб, 13 826,22 сўмга етган. Россия рубли эса 0,30 сўмга кўтарилиб, 152,98 сўм бўлган.
Шу тариқа доллар курси кетма-кет икки кунлик ўсишдан сўнг пасайишга ўтди — 30 ноябрда у 11 940,95 сўмга чиқиб олганди.
Марказий банк статистикаларига кўра, 2025 йилнинг январь–октябрь ойларида сўмнинг хорижий валюталарга нисбатан алмашув курси 7 фоизга мустаҳкамланган. Шу давр ичида валютага талаб 24 фоизга, таклиф эса 26 фоизга ошган.
Аҳоли ўтган 10 ой давомида тижорат банкларига 17,4 млрд доллар сотган — бу ўтган йилнинг мос даврига нисбатан қарийб 1,3 баробар кўпдир.
