Гвинея-Бисауда ҳарбийлар президент Умару Сисоку Эмбалони ҳокимиятдан ағдарди. Ҳарбий ҳукумат бу қарорни сайлов натижаларини манипуляция қилиш ва мамлакатда беқарор вазият юзага келтириш режаси аниқлангани билан изоҳлади.
Баёнотга кўра, барча сиёсий институтлар вақтинча тўхтатилган, денгиз, ҳаво ва қуруқлик чегаралари ёпилган. Пойтахт Бисауда отишма овозлари эшитилгани хабар қилинди. Президент, Ички ишлар вазири ва армия бош қўмондони Президент саройида қўлга олинган, улаларга шикаст етмагани айтилмоқда.
Германия ТИВ вазиятни “беқарор” деб баҳолаб, ўз фуқароларига намойишлар бўлиб ўтаётган ҳудудлардан узоқ туришни тавсия қилди. 23 ноябрда ўтган президентлик ва парламент сайловларида ҳам Эмбало, ҳам унинг рақиби Фернанду Диаш де Кошта ўзини ғолиб деб эълон қилган эди. Расмий натижалар 27 ноябрда эълон қилиниш кутилган.
Эмбало 2020 йилдан буён президент лавозимида эди. Унинг муддати бир неча ой аввал тугаган, ўтган йил охирида эса у парламентни тарқатиб юборган. Танқидчилар уни мухолифатни бостириш ва фаолларни таъқиб қилишда айблаб келган.
