Президент фармонига кўра, тизим арxiv ҳужжатлари ва ДНК маълумотлари асосида ишлайди.
Ўзбекистонда фуқароларга оилавий шажаралари ҳақида онлайн маълумот тақдим этишга мўлжалланган “Шажара” ахборот тизими ишга туширилади.
Бу президентнинг 24 ноябрда имзоланган “Архив иши соҳасини рақамлаштириш ва бошқарув самарадорлигини ошириш чора-тадбирлари тўғрисида”ги фармонида белгиланди.
Унга кўра, “ФҲДЁнинг ягона электрон архиви”даги дастлабки маълумотлар ҳамда давлат ва идоравий архивларда сақланаётган ҳужжатлар асосида фуқароларнинг оила шажараси электрон шаклда тузиб берилади.
Шунингдек, Хадича Сўлаймонова номидаги Республика суд экспертиза маркази ДНК маълумотлари орқали фуқароларнинг этник келиб чиқиши ҳақида ҳам маълумот тақдим этиши кўзда тутилган.
