Суд тизимини ислоҳ қилишга қаратилган Президент фармони қабул қилинди.
Энди суд тизимига аралашиш, судьяларга босим ўтказиш ва фаолиятига аралашганлик учун қонун бўйича кескин чора кўрилади.
Судьяга нисбатан интизомий жазо қўллаш тизими шаффоф ва адолатли бўлади. Бунда:
- судьяга нисбатан интизомий иш кўриб чиқишда унинг ҳимояга бўлган ҳуқуқи тақдим этилади;
- қуйи судьялик лавозимига ўтказиш интизомий жазо чораси жорий этилади;
- интизомий жазо амалда бўлган вақтда юқори судьялик лавозимига тавсия этилмайди;
- судьяни интизомий жавобгарликка тортиш асосларининг мезонлари белгиланади.
Адолатсиз суд қарорларини қайта кўриб чиқиш халқаро стандартларга асосланади - бу судьяларни асоссиз айбловлардан ҳимоя қилади.
Суд қонун билан ҳимояланган. Ҳеч ким судьяга қандай қарор чиқаришни тайинлашга ҳақли эмас.
Бу ислоҳотлар шунчаки қонунлардаги ўзгаришлар эмас. Бу ҳар бир фуқаро учун тушунарли, ташқи таъсирдан мустақил, гендер тенглиги ва илмий асослар билан мувозанатлашган тизим орқали бўлади.
Суд ҳар бир киши қўрқув ва тўсиқсиз ҳимояланиши мумкин бўлган жойга айланмоқда. Фуқароларда суд тизимига бўлган ишонч янада ортади.
