Суд Рисматовни Жиноят кодексининг 168-моддаси 4-қисми — жуда кўп миқдорда фирибгарликда айбли деб топиб, 9 йилга озодликдан маҳрум қилиш жазосини тайинлади. Умумий тартибли колонияга юборилади.
Шу билан бирга судланувчидан жабрланувчилар фойдасига камайган зарар суммалари ундирилади:
Ж.Ю. — 3 млрд 448 млн 701 минг сўм,
С.С. — 925 млн 769 минг сўм,
Ж.А. — 464 млн 672 минг сўм.
Фирибгарликка айланган уй — Шайхонтоҳур тумани “Катта Оқтепа” маҳалласидаги хонадон юзасидан тузилган олди-сотди шартномаларни бекор қилиш масаласи эса Фуқаролик ишлари бўйича судда алоҳида кўриб чиқилиши белгиланди.
Жабрланувчилар адвокати Қодиржон Раҳимов келажакда уйни қайтариш бўйича сарсонлик бўлмаслиги учун суд ҳукмида бу масалага аниқлик киритишни илтимос қилган. Суд томонидан бу масалага ойдинлик киритилгани адвокат томонидан қўллаб-қувватланди.
Ҳукм устидан апелляция ёки кассация шикояти бериш мумкин.
