Маълум қилинишича, 18 апрель куни Саудия Арабистонидан Туркия орқали Ўзбекистонга қайтаётган 82 нафар фуқаро Сабиҳа Гўқчанк халқаро аэропортида мураккаб вазиятга тушиб қолган. Улар “Иҳлос Travel” ва “Ҳикмат Travel” хусусий туристик фирмалари хизматларидан фойдаланган ҳолда “Эр-Риёд — Истанбул — Чимкент — Тошкент” йўналиши бўйича умра сафарини режалаштирган.
Томонлар зиммасига юклатилган мажбуриятлар тўлиқ бажарилмагани оқибатида зиёратчилар чет элда қийин ҳолатга тушиб қолган. Тегишли идоралар аралашуви билан музокаралар ўтказилиб, транзит ҳудудда бўлган фуқаролар озиқ-овқат, транспорт ва зарур хизматлар билан таъминланди ҳамда уларнинг Ватанга хавфсиз қайтиши тўлиқ назоратга олинди.
Мутасаддилар фуқаролар ва туристик фирмаларга келгусида бундай ҳолатларнинг олдини олиш учун сафар йўналишлари, транзит тафсилотлари ва зиёратчилар билан доимий алоқани таъминлаш зарурлигини эслатди.
