“Ўзгидромет” маълумотларига кўра, 20 ноябрь соат 9:00 ҳолатида автоматик станциялар пойтахт ҳавосидаги зарарли майда зарралар даражасининг ошганини қайд этган. PM2.5 концентрацияси 202 мкг/м³ ни ташкил этган — бу белгиланган меъёрдан 3,4 баравар юқори. PM10 кўрсаткичи 299 мкг/м³ бўлиб, ҳали рухсат этилган чегарадан ошмаган.
AQAir рейтингига кўра, бугун соат 11:00да Тошкент дунёдаги энг ифлос ҳаволи шаҳарлар орасида 3-ўринни эгаллаган.
Мутахассислар ифлосланишнинг ортишига кескин ҳарорат ўзгаришлари сабаб бўлган инверсия омил сифатида таъсир қилаётганини айтмоқда. Бундай шароитда зарарли зарралар ерга яқин ҳаво қатламида тўпланиб қолади.
“Ўзгидромет” пойтахт аҳолиси ва меҳмонларига очиқ ҳавода бўлиш вақтини қисқартиришни, кўчаларга чиққанда тиббий ниқоб тақишни тавсия этди.
