Тейлор Свифтнинг 10 кун олдин чиққан “The Fate of Ophelia” (Офелиянинг тақдири) номли клипи қисқа фурсат ичида 64 миллиондан ортиқ кўрилди.
Клипнинг дастлабки кадрлари 1900 йилларга оид, немис рассоми Фридрих Ҳейзер томонидан чизилган “Офелия” номли картинани эслатади.
Айни пайтда мазкур асар сақланаётган Висбаден санъат галереясига ҳар куни юзлаб меҳмонлар ташриф буюрмоқда.
Улар орасида Германиянинг бошқа шаҳарларидан келган сайёҳлар, шунингдек, Висбаден яқинидаги ҳарбий база яқинида хизмат қилаётган АҚШ ҳарбийларининг оила аъзолари ҳам бор.
Мутасаддиларнинг айтишича, Свифтнинг клипи музейга кутилмаган равишда янги аудиторияни олиб келди ва асарга қизиқишни жонлантирди.
