2025 йил 12 октябрь куни соат 14:30 атрофида Андижон тумани “Қурама” МФЙ ҳудудидан ўтган А-373 халқаро автомобиль йўлида йўл-транспорт ҳодисаси юз берди. 1969 йилда туғилган ҳайдовчи С.Р. бошқарувидаги Nexia машинаси икки вояга етмаган пиёдани уриб юборган.
Вилоят ИИБ ЙҲХБ хабарига кўра, болалар йўлни белгиланмаган жойдан кесиб ўтаётган бўлган. Тўқнашув оқибатида пиёдалардан бири — Н.И. чап оёғидан ёпиқ синиш жароҳати олиб, шифохонага ётқизилган. Иккинчи бола — Н.Я. соғ қолган.
Ҳозирда ҳодиса юзасидан терговга қадар суриштирув ишлари олиб борилмоқда. Ҳодиса видеоси ижтимоий тармоқларда тарқалган ва жамоатчилик эътиборини тортмоқда.
