Афғонистонда Энергетика ва сув хўжалиги вазирлигининг юқори лавозимли маслаҳатчиси Фаруқ Аъзам аёлларни зилзила юз берган Кунар вилоятига ҳамшира сифатида юборишни таклиф қилгани сабаб ҳибсга олинди. Унга нисбатан ҳарбий суд иши очилган.
"Afghanistan International" нашрининг ёзишича, Азам “Толибон” етакчиси Хибатуллоҳ Охундзода буйруғи билан ҳибсга олинган ва ҳозирда Кобулдаги махсус назорат идорасида сақланмоқда.
У ижтимоий тармоқларда аёллар таълими ва тиббиётдаги иштирокини очиқ ҳимоя қилган. Метаъдаги чиқишларида эса Кунар вилоятига аёл ҳамшираларни юборишни таклиф этган.
“Бизнинг ўқимишли аёлларимиз жамиятдаги ўз ўрнини мустаҳкамлаш учун ташаббус кўрсатишга ва қурбонлик қилишга тайёрми? Агар ҳа бўлса — ҳозир бунинг айни вақти”, — деб ёзган эди Фаруқ Аъзам ўз саҳифасида.
