Мактабларда ҳар ҳафта душанба куни биринчи соати "Келажак соати" дарслари сифатида ўқитилади. Бу ҳақда мактабгача ва мактаб таълими вазирлиги ахборот хизмати хабар берди.
Маълум қилинишича, Мактабгача ва мактаб таълими вазирининг "Мактабгача ва умумий ўрта таълим ташкилотларида маънавий-маърифий ишлар самарадорлигини ошириш тўғрисида"ги буйруғи қабул қилинди.
Унга кўра:
Боғчаларда 2025-2026 ўқув йилида ўтказиладиган маънавий-маърифий тадбирларнинг намунавий иш режаси;
Мактабларда 2025-2026 ўқув йилида ўтказиладиган маънавий-маърифий тадбирларнинг намунавий иш режаси;
Мактаб психологининг 2025-2026 ўқув йилига мўлжалланган намунавий иш режаси;
Мактаблар учун "Келажак соати" дарсларининг намунавий мавзулар рўйхати тасдиқланди.
Мактабларда ҳар ҳафтанинг жума куни ўтказиб келинаётган "Синф соатлари" 2025-2026 ўқув йили давомида ҳар ҳафтанинг душанба куни биринчи соатида "Келажак соати" дарслари сифатида ўқитилиши белгиланди.
