Тадбирга келувчилар стадионга фақат ўз секторига мос кириш йўлагидан киришлари керак. Бунинг учун олдиндан кириш эшигингиз ва стадион схемасини кўздан кечиринг.
Чипта фақат ҚР-кодли бўлиши шарт – уни телефонингизда кўрсатишингиз мумкин. ҚР-кодсиз кириш мумкин эмас.
Шунингдек, ташқаридан озиқ-овқат ва ичимлик олиб кириш тақиқланади. Ичкарида турли таом ва ичимликлар тақдим этиладиган фудкортлар фаолият юритади.
Тамаки маҳсулотлари, ўткир ёки хавфли буюмлар олиб кирилиши қатъиян ман этилади. Бундай нарсалар киришда олиб қўйилади.
Профессионал даражадаги фото ва видео ускуналарни олиб кириш ва фойдаланиш ҳам тақиқланади.
Стадионга киришдан аввал барча ташриф буюрувчилар металлодетекторлар орқали текширилади. Бу сизнинг хавфсизлигингиз учун амалга оширилади.
