Саудияда аттракцион қулаши оқибатида 23 киши жабрланди. Бу ҳақда “Сабқ.орг” хабар берди.
Қайд этилишича, кеча Саудия Арабистонидаги боғда тебранувчи аттракцион учаётган пайтида қулаб тушган. Воқеа жойидан олинган кадрларга кўра, “маятник” баландликдан кўтарилиб, пастга ҳаракатлана бошлагани, аммо қулаб тушгани акс этган. Натижада 23 киши жароҳат олган.
“Жабрланганлар зарур тиббий ёрдам кўрсатиш учун шифохонага етказилди”,- дейилади хабарда.
Аттракционнинг нима сабабдан ишдан чиққани ҳозирча номаълум. Ҳодисадан сўнг текширув ишлари бошлаб юборилган.
