Хитойнинг миллий авиатайинловчиси — Air China илк бор Пекин–Тошкент–Пекин йўналиши бўйича мунтазам парвозларни амалга оширишни бошлади. Бу ҳақда Uzbekistan Airports матбуот хизмат хабар берди.
2025 йил 19 июль куни соат 19:40 даТошкент халқаро аэропортига авиакомпаниянинг биринчи рейси келиб қўнди. Замонавий Boeing-737самолётида етиб келган экипаж ва йўловчилар анъанавий сув аркаси ва гуллар билан тантанали тарзда кутиб олинди.
— “Биз Хитой ва Ўзбекистон пойтахтлари ўртасида тўғридан-тўғри авиақатновларни йўлга қўйишдан мамнунмиз. Бу йўналиш икки мамлакат ўртасидаги савдо, сайёҳлик ва маданий алоқаларни мустаҳкамлашда муҳим роль ўйнайди. Air China нафақат йўловчиларни, балки шаҳарлар ва имкониятларни ҳам боғловчи кўприк бўлишга интилмоқда”, — деди авиакомпания вакили.
“Uzbekistan Airports Handling” директорининг биринчи ўринбосари Умид Ҳамраев эса қуйидагича изоҳ берди:
— “Air China каби йирик ҳамкорни қабул қилишдан мамнунмиз. Ушбу йўналишга талаб юқори бўлишига ишончимиз комил. Йўловчилар учун барча зарур шарт-шароитлар яратилган.”
Парвозлар ҳафтанинг сешанба, пайшанба ва шанба кунлари амалга оширилади.
Air China — Хитойнинг энг йирик ва асосий авиакомпанияси бўлиб, Star Alliance халқаро альянси аъзоси ҳисобланади. Компания 1988 йилда ташкил этилган ва Пекин аэропортида жойлашган.
