"Reuters" агентлиги тарқатган маълумотга кўра, Европа ташқи ишлар вазирлари ва Европа Иттифоқи бош дипломати бир ой аввал Исроил ва АҚШнинг Эрон ядровий иншоотларига уюштирган ҳужумлари ортидан Эрон ташқи ишлар вазири Аббос Арақчи билан телефон орқали мулоқот қилган.
Агентликка француз дипломатик манбасининг маълум қилишича, вазирлар Эронни текшириладиган ва мустаҳкам келишувга эришиш бўйича саъй-ҳаракатларни зудлик билан қайта бошлашга чақириб, рад этилган тақдирда санкцияларни дарҳол тиклаш механизмидан фойдаланиш билан таҳдид қилган.
Бироқ Х (Twitter) саҳифасида Аббос Арақчи таҳдидни рад этиб, Европа ташқи ишлар вазирларига жорий йилнинг июнь ойида музокаралар столидан чиқиб, Эронни эмас, ҳарбий йўлни танлаган Қўшма Штатлар эканлиги ҳақида ёзди. У уларни "масъулият билан ҳаракат қилишга, таҳдид ва босим сиёсатидан воз кечишга, жумладан "қасоскор ёки қонуний асосга эга бўлмаган" сиёсатдан воз кечишга чақирганини айтди.
Эрон бош дипломати, шунингдек, музокаралар фақат "бошқа томон адолатли, мувозанатли ва ўзаро манфаатли ядровий келишувга тайёр бўлганда" мумкин бўлишини қўшимча қилган.
"Агар Эрон қоидабузар экани аниқланса, "тезкор жавоб"дан БМТ санкцияларини Хавфсизлик Кенгашининг келишувни мустаҳкамловчи резолюция муддати 18 октябрда амал қилиш муддати тугагунига қадар қайта жорий қилиш учун фойдаланиш мумкин, – дея хабар беради Reuters. – Жараён тахминан 30 кун давом этади".
Қайд этилишича, Теҳрон дипломатияга очиқлиги ҳақидаги баёнотларига қарамай, Вашингтон билан музокараларнинг олтинчи давраси тез орада қайта тикланишига ишонч жуда кам.
"Агар шундай қилса ҳам, дипломатларнинг айтишича, август ойи охиригача европаликлар белгилаган муддат кенг қамровли келишувга эришиш, айниқса, МАГАТЭ инспекторлари иштирокисиз, реал бўлмагандек кўринади", – дейилган "Reuters" манбасида
Эслатиб ўтамиз, Исроил ва Эрон ўртасидаги жанговар ҳаракатлар фонида Германия, Франция ва Буюк Британия ташқи ишлар вазирлари 20 июнь куни Женевада Эрон ташқи ишлар вазири Аббос Арақчи билан учрашган эди.
