Ижтимоий тармоқларда бир гуруҳ фуқароларнинг кўп қаватли уй қурувчилари томонидан алдангани тасвирланган видеолар тарқалди. Ҳолат жамоатчилик муҳокамасига сабаб бўлди.
Расмий маълумотларга кўра, фуқаро Т.Н ва бошқалар 2021 йил 11 август куни “STRONG CITIES” МЧЖни ташкил этган, бироқ зарур ҳуқуқий рухсатларсиз, шунингдек, давлат рўйхатидан ўтмасдан Олмазор туманидаги ер майдонида кўп қаватли уй қурилишини бошлаган.
Терговга кўра, улар 2023–2024 йиллар давомида фуқаролар билан шартномалар тузиб, қонунчилик талабларини бузган ҳолда хизмат кўрсатадиган банкда алоҳида ҳисоб очмасдан, катта миқдордаги маблағни фирибгарлик йўли билан қўлга киритган.
Мазкур ҳолат юзасидан Жиноят кодексининг 168-моддаси 4-қисми “а” банди асосида жиноят иши қўзғатилган. Т.Нодирга нисбатан қамоққа олиш эҳтиёт чораси қўлланилган. Тергов ҳаракатлари давом этмоқда.
