Туркияда сўнгги кунларда авж олган ўрмон ёнғинлари оқибатида 50 мингга яқин фуқаро ўз уйларини тарк этишга мажбур бўлди. Бу ҳақда мамлакат Фуқаро муҳофазаси агентлиги маълум қилди.
Маълумотларга кўра, табиий офат камида 41 та ҳудудга зарар етказган. Айниқса, Измир вилоятида ёнғин 130 дан ортиқ уйларни талафотга учратган. Ёнғинни ўчириш учун мингга яқин ўт ўчирувчи ва 14 та вертолёт сафарбар этилган.
Шунингдек, Билеcик вилоятида ҳам ёнғинлар қайд этилган. 30 июнь куни эса жанубий Ҳатай шаҳри яқинида ҳам ўрмонлар алангага ўралган.
Расмийлар ёнғинларга нисбатан кураш давом этаётганини ва хавфсизлик чораларини кучайтирганини билдирди.
