Россия Президенти Владимир Путин жаҳон сармоядорларини Петербург халқаро иқтисодий форумида (ПМЭФ) ишонтира олмади. Ғарб компаниялари Россия билан ишлаш хавфини ҳисобга олиб, бу йилги форумда деярли иштирок этмади. Бу ҳақда “The Financial Times” нашри хабар берди.
Маълум қилинишича, Россиянинг энг яқин иттифоқчилари ҳам бу йил Санкт-Петербургга одатдагидан пастроқ даражадаги делегацияларни юборган. Ягона истисно — Индонезия. Бу мамлакат форумга президент даражасида — Прабово Субианто бошчилигида ташриф буюрган.
“Cарнегиэ фондининг” Берлиндаги Россия ва Евросиё бўйича маркази илмий ходими Александра Прокопенкога кўра, Россияга бугунги шароитда сармоя киритиш ҳақида умуман гап бўлиши мумкин эмас.
“Уруш, санкциялар, иқтисодий ўсишнинг сустлашуви ва доимий инфляция шароитида ким Россияга сармоя киритади?” — деган Прокопенко.
Россия Молия вазирлиги маълумотига кўра, ҳар ой ўнлаб хорижий компаниялар Россия бозорини тарк этиш учун ариза бермоқда. Бундай ҳолат, РБК агентлигига берган интервьюсида молия вазири ўринбосари Иван Чебесков айтишича, Ғарб санкцияларининг давом этаётгани ва Украина фронтидаги ҳолат Путиннинг тинчликка тайёр эмаслигини кўрсатмоқда.
“Тhe Financial Times” бу фонни ҳисобга олган ҳолда, Россияга нисбатан санкциялар яқин орада олиб ташланмаслигини ҳам таъкидлаган.
