Эрон ва Хитой АҚШ санкцияларини четлаб ўтиш мақсадида янги темир йўл йўналишини ишга туширишди. Бу йўналиш Эроннинг Бандар Аббос портидан бошланиб, Хитойнинг ғарбий ҳудудларигача боради. Йўналиш Афғонистон ва Покистон орқали ўтиб, Марказий Осиёни қамраб олади.
Янги Хитой–Эрон темирйўл йўлагининг ишга туширилиши етказиб бериш муддатини 40 кундан 15 кунгача қисқартиради. Бу нафақат Хитой товарларини, балки Эрон нефт маҳсулотларини ҳам Малакка бўғози каби АҚШ ҳарбий-денгиз назоратидаги йўллардан четлаб ўтиш имконини яратади.
Мазкур йўлак Хитойнинг Европа бозорларига чиқиши ва Эрон нефт маҳсулотларининг Осиёга тезкор етказилишида янги стратегик имкониятларни очади.
Лойиҳа Эроннинг "Шимол-Жануб" транспорт йўлагини ривожлантириш стратегияси доирасида амалга оширилди. Бу йўл нафақат Эрон ва Хитой ўртасидаги савдо муносабатларини мустаҳкамлайди, балки минтақадаги бошқа давлатлар билан ҳам иқтисодий алоқаларни кучайтиради.
Мазкур темир йўл йўналиши АҚШнинг Эронга қарши қўллаётган санкцияларини самарасиз қилиши мумкин. Чунки у Эронга ўз маҳсулотларини халқаро бозорларга чиқаришда янги имкониятлар яратади. Шу билан бирга, Хитой ҳам ўзининг "Бир камар — бир йўл" ташаббусини амалга оширишда муҳим қадам ташлаган бўлади.
Бу лойиҳа Эрон ва Хитойнинг геосиёсий ва иқтисодий ҳамкорлигини янада мустаҳкамлайди, шунингдек, минтақадаги транспорт инфратузилмасини ривожлантиришга ҳисса қўшади. Бу темирйўл Ўзбекистон ҳудудидан ҳам ўтади.
Абдуллоҳ Саййид
