Бугун, 24 май куни Тошкент шаҳрининг Олмазор туманида очиқ майдондаги қуруқ ўт ёниб кетди. Бу ҳақда Тошкент шаҳар ФВБ хабар берди.
Хабарга кўра, соат 12:33 да туманнинг Фаробий кўчасида очиқ майдонда қуруқ ўт ёнаётгани тўғрисида Тошкент шаҳар Фавқулодда вазиятлар бошқармасига хабар келиб тушган.
Шунга кўра, ёнғин-қутқарув экипажлари соат 12:39 да воқеа жойига етиб бориб, ёнғин соат 13:31 да ўчирилган.
Билдирилишича, вазият Тошкент шаҳар ФВБ томонидан тўлиқ назоратга олинган. Ҳодиса оқибатида тан жароҳати олган фуқаролар йўқ.
