Европа Иттифоқи Россиядан сотиб олинадиган нефть учун нархнинг юқори чегарасини 60 доллардан 50 долларгача туширишни таклиф қилмоқда. Бу ҳақда “Reuters” агентлиги хабар берди.
Маълумотга кўра, бу масала 20–22 май кунлари Канадада бўлиб ўтадиган G7 молия вазирлари учрашувида муҳокама қилинади.
Еврокомиссар Валдис Домбровскиснинг айтишича, таклиф Украина уруши сабаб Россияга қарши янги санкциялар пакети доирасида кўтарилган. Гарчи у аниқ рақамни айтмаган бўлса-да, Reuters манбалари нарх 50 долларгача туширилиши мумкинлигини билдирмоқда.
Эслатиб ўтамиз, Ғарб давлатлари аввалроқ Россия нефтига 60 долларлик нарх чегарасини жорий қилган эди.
