АсосийЖамият

Камбағал оила фарзандлари қўшимча дарслар учун тўловдан озод қилинади

Аъло баҳога ўқиганлар оромгоҳларда бепул дам олиши мумкин бўлади.

'Камбағал оила фарзандлари қўшимча дарслар учун тўловдан озод қилинади'ning rasmi

Давлат раҳбарига камбағал оилаларни қўллаб-қувватлаш, ногиронлиги бўлган шахсларнинг бандлигини таъминлаш, ижтимоий хизматлар қамрови ва турларини кенгайтириш чора-тадбирлари бўйича ахборот берилди.

Мамлакатимизда эҳтиёжманд инсонлар алоҳида эътиборга олиниб, моддий ва маънавий қўллаб-қувватланмоқда. “Камбағалликдан фаровонлик сари” дастури асосида бундай оилаларга меҳнат, таълим, соғлиқ сақлашни каби соҳаларда кўмаклашилмоқда.

Шу билан бирга, бу жуда кенг ва узлуксиз жараён бўлиб, доимий такомиллаштиришни тақозо этади. Жумладан, камбағал оилаларни уларнинг ижтимоий-иқтисодий ҳолатига қараб, уч тоифада қўллаб-қувватлаш таклиф қилинмоқда.

Камбағал оилаларга 100 дан ортиқ турдаги ижтимоий хизмат, ёрдам ва имтиёзлар тақдим этилади. “Камбағал оилалар реестри”га киритиш тартиб-таомиллари қонунчилик ҳужжати даражасида белгиланади. Уларни камбағалликдан чиқариш бўйича индивидуал режалар тасдиқланиб, манзилли хизмат ва ёрдамлар кўрсатилади. Бундай инсонлар бандлигини чекловчи омиллар бартараф этилиб, муайян даромад топишига шароит яратилади.

Камбағал оила фарзандлари мактабдаги узайтирилган кун гуруҳлари учун тўловдан озод қилинади, аъло баҳога ўқиганлар оромгоҳларда бепул дам олиши мумкин бўлади. Камбағал оиладан чиққан аълочи талаба-қизларга базавий стипендиянинг 2 баравари миқдорида махсус стипендия тўланади.

Тақдимотда ногиронлиги бўлган шахсларнинг бандлигини таъминлаш чоралари ҳақида ҳам ахборот берилди.

Унга кўра, ногиронлиги бор инсонларни ишга олган енгил саноат корхоналарига солиқ имтиёзлари бериш, бундай ходимлар учун ижтимоий солиқ ставкасини пасайтириш, тадбиркорларга Ижтимоий ҳимоя давлат жамғармаси ҳисобидан 500 миллион сўмгача субсидия ажратиш каби рағбатлар кўзда тутилмоқда.

Шунингдек, электрон савдо майдончаси орқали ногиронлиги бор шахсларга тегишли товар ва хизматларни харид қилиш миқдори оширилади. Уларга касб-ҳунар ўргатиш учун техникумларда инклюзив таълим гуруҳлари ташкил этилади.

Ўзгалар парваришига муҳтож шахсларга ижтимоий хизматлар қамрови ва турларини кенгайтириш мақсадида “Фаол ҳаётга қадам” дастури жорий этилади. Бундай инсонларга кундузги қатнов асосида ёки уйда қараб туриш, маиший юмушларда кўмаклашиш, йўқотилган ҳаракат фаоллигини қайта тиклаш, касалликларнинг олдини олиш каби тиббий-ижтимоий хизматлар йўлга қўйилади.

Давлатимиз раҳбари таклифларни маъқуллаб, уларни тизимли йўлга қўйиш ва бажарилишини назорат қилиш бўйича кўрсатмалар берди.

    Бизни ижтимоий тармоқларда кузатиб боринг

    Бошқа янгиликлар

    'Саида Мирзиёева “Инсоний биродарлик” нуфузли мукофотининг халқаро ҳакамлар ҳайъати таркибига киритилди'ning rasmi

    Жамият 01.05.2025 22:20

    Саида Мирзиёева “Инсоний биродарлик” нуфузли мукофотининг халқаро ҳакамлар ҳайъати таркибига киритилди

    Бугун у Мусулмон донишмандлар кенгаши бош котиби Муҳаммад Абдусалом билан учрашган.

    'Президент янги поездда Хивага борди'ning rasmi

    Жамият 01.05.2025 21:10

    Президент янги поездда Хивага борди

    Давлат раҳбари “Бухоро-Урганч-Хива” темир йўл инфратузилмасини кўздан кечирди.

    'Хоразмга қарийб 8 миллион долларлик 80 та замонавий автобус олиб келинмоқда'ning rasmi

    Жамият 01.05.2025 19:38

    Хоразмга қарийб 8 миллион долларлик 80 та замонавий автобус олиб келинмоқда

    Президент вилоятда аҳолига яратилаётган қулайликлар билан танишди.

    'Долларнинг расмий курси яна тушди'ning rasmi

    Жамият 01.05.2025 15:58

    Долларнинг расмий курси яна тушди

    Марказий банк хорижий валюталарнинг сўмга нисбатан қийматини эълон қилди.

    'Саида Мирзиёева “Рақамли авлод қизлари” танлови ғолибларини табриклади'ning rasmi

    Жамият 01.05.2025 14:33

    Саида Мирзиёева “Рақамли авлод қизлари” танлови ғолибларини табриклади

    Президент ёрдамчиси Саида Мирзиёева “Рақамли авлод қизлари” танлови ғолиблари билан учрашиб, уларни эришаётган ютуқлари билан табриклади.

    'Тошкент вилоятида икки кишини АҚШга юборишини айтиб, улардан 38 минг доллар талаб қилган шахс ушланди'ning rasmi

    Жамият 01.05.2025 12:46

    Тошкент вилоятида икки кишини АҚШга юборишини айтиб, улардан 38 минг доллар талаб қилган шахс ушланди

    Республиканинг бошқа ҳудудларида ҳам шундай жиноят билан бир неча шахс ушланган.