АсосийЖамият

Самарқандда бир ойлик келинини ўлдирган қайнонага суд ҳукми ўқилди

Аёл 13 йилга озодликдан маҳрум этилди.

'Самарқандда бир ойлик келинини ўлдирган қайнонага суд ҳукми ўқилди'ning rasmi

Самарқанд вилоятида 1 ойлик келинини ўлдирган қайнона 13 йилга қамалди. Бу ҳақда Олий суд матбуот котиби Азиз Обидов хабар берди. 

Маълум қилинишича, мудҳиш воқеа 2024 йилнинг 3 октябрь куни Самарқанд вилояти Нарпай туманида содир бўлган. Аслида судланувчи аёл кўп йиллар олдин оналик ҳуқуқидан маҳрум қилинган ҳамда ўғли ва қизини болалар уйига топширган. Бироқ у йиллар ўтиб уйланган ўғлининг олдига қайтиб, борадиган жойи йўқлигини айтган. Шу тариқа она ўғли билан яшай бошлаган. 

Аммо аёл уйга келиши биланоқ келинини тинимсиз койиб, ҳақоратлаб, камситган. Келин биринчи куниёқ ўз онасига қўнғироқ қилиб, қайнонасининг хатти-ҳаракатлари ҳақида гапириб берган. 2024 йил октябрь ойида аёл ўғли уйда йўқлигидан фойдаланиб, келини билан навбатдаги жанжални бошлаган. Можаро жараёнида айбланувчи телефоннинг зарядлаш симини олиб, қизни бўға бошлаган, шундан сўнг шиша идишни келинининг бошига уриб синдирган. Шу билан бирга, қайнона қайчини олиб, қизнинг бўйнига урган, бироқ бу билан ҳам тўхтамаган. Ошхонадан пичоқни олиб, келиннинг кўкрагига бир неча маротаба урган. Келин олган тан жароҳатлари оқибатида воқеа жойида вафот этган.

Содир этилган жиноятдан сўнг аёл қочишга уринган, бироқ у қўлга олинган. Аёл Жиноят кодексининг 97-моддаси (Ўта шафқатсизлик билан қасддан одам ўлдириш, енгилроқ жазо тайинлаш) 2-қисми  “ж” банди  билан айбли деб топилиб, 13 йилга озодликдан маҳрум этилди.

    Бизни ижтимоий тармоқларда кузатиб боринг

    Бошқа янгиликлар

    'Ўзбекистонда наркотикларга қарши кураш сунъий интеллект ёрдамида кучайтирилади'ning rasmi

    Жамият Бугун 19:12

    Ўзбекистонда наркотикларга қарши кураш сунъий интеллект ёрдамида кучайтирилади

    Наркотиклар зарари ҳақида кеча-ю кундуз маълумот бериладиган салл-марказ очилади.

    'Бухорода кўп қаватли уйнинг ертўласида келиб чиққан ёнғин сабаб 9 киши ичкарида қолиб кетди'ning rasmi

    Жамият Бугун 12:03

    Бухорода кўп қаватли уйнинг ертўласида келиб чиққан ёнғин сабаб 9 киши ичкарида қолиб кетди

    Ҳозирда ёнғиннинг келиб чиқиш сабаби ва моддий зарари аниқланмоқда.

    'Хоразмда икки ўсмир қиз 7-қаватдан сакраб, жонига қасд қилди'ning rasmi

    Жамият Бугун 08:34

    Хоразмда икки ўсмир қиз 7-қаватдан сакраб, жонига қасд қилди

    Ҳозирда ушбу ҳолат юзасидан терговга қадар текширув ҳаракатлари олиб борилмоқда.

    'Сукутда қолаётган қичқириқ: Боғчалар болалар учун хавфсиз эмасми?'ning rasmi

    Жамият Бугун 07:02

    Сукутда қолаётган қичқириқ: Боғчалар болалар учун хавфсиз эмасми?

    Darakchi.uz сўнги вақтларда кўпчиликни эътирозига сабабчи бўлаётган ҳолат юзасидан ёзилган мақолани эътиборингизга ҳавола этади.

    'Хоразмда икки қиз ўз жонига қасд қилди'ning rasmi

    Жамият 08.07.2025 20:57

    Хоразмда икки қиз ўз жонига қасд қилди

    7 қаватли уйнинг томидан 2 нафар ўсмир ўзини-ўзи пастга ташлаб, вафот этган.

    'Тошкентда Tico 3 ёшли болани уриб юборди'ning rasmi

    Жамият 08.07.2025 19:56

    Тошкентда Tico 3 ёшли болани уриб юборди

    Ҳолат тафсилотлари очиқланди.