Қирғизистонда фуқароларга давлат тилида хизмат кўрсатишдан бош тортган муассасаларни жавобгарликка тортишни таклиф қилувчи Жиноят кодексига ўзгартиришлар киритиш ташаббуси билан чиқмоқилмоқда. Бу ҳақда Давлат тили бўйича миллий комиссия раҳбари Мелис Мураталиев хабар берган.
Маълум бўлишича, комиссияга фуқаролардан кафе, ресторан ва бошқа муассасаларда ходимлар мижозларга фақат рус тилида хизмат кўрсатаётгани ҳақида кўплаб мурожаатлар тушган.
Мураталиев ҳар қандай қонунни бузганлик учун маъмурий жавобгарлик назарда тутилганини таъкидлади.
Амалдаги “Давлат тили тўғрисида”ги қонунга кўра, фуқароларга хизмат кўрсатиш қирғиз тилида амалга оширилиши керак, бироқ у билан бирга расмий ёки бошқа тилда айтилган гапларни такрорлаш мумкин. Шу билан бирга, маҳсулот рекламалари иккала тилда ҳам тақдим этилиши керак.
