Дамашқ халқаро аэропорти 18 декабргача барча турдаги самолётларнинг қўниш ва жўнашини бекор қилди. Бу ҳақда аэропорт томонидан берилган махсус НОТАМ хабарида айтилади.
“2024 йил 18 декабргача бўлган даврда Дамашқ аэропортига/дан барча рейслар тўхтатилди”, дейилади ҳужжатда эрталаб Сурия ҳаво ҳудудининг барча фойдаланувчилари эътиборига ҳавола қилинган. Худди шу хабарга кўра, аэропорт иши 18 декабрь куни УТС соат 19:00да (Москва вақти билан 22:00) тикланиши мумкин.
Алеппо халқаро аэропорти ҳам худди шундай хабар тарқатди. У, НОТАМ маълумотларига кўра, 17 декабрь оқшомига қадар ҳар қандай самолётни қабул қилиш ва қўйиб юбориш учун ёпиқ.
