Илон Маскнинг айтишича, Старлинк Ғазо секторига ёрдам кўрсатиш учун халқаро тан олинган ташкилотлар билан алоқа ўрнатади.
"Старлинк Ғазо секторига ёрдам кўрсатиш учун халқаро миқёсда тан олинган ташкилотлар билан алоқа ўрнатади". Бу ҳақда провайдер эгаси Ғазо секторидаги алоқа узилишини қоралаган конгрессменга жавоб тариқасида Х ижтимоий тармоғидаги саҳифасида пост қолдирган.
Жума куни кечқурун Jawwal провайдери Исроил армиясининг оммавий зарбаларидан сўнг Ғазо секторида телефон алоқаси ва интернет ишламай қолгани ҳақида хабар берди. Al Arabiya ва Al Jazeera телеканаллари маълумотларига кўра, Ғазо сектори 7 октябрь куни Фаластин-Исроил можароси авж олганидан бери энг кучли ҳужумга учраган. Исроил мудофаа кучлари анклавнинг бир қанча ҳудудларига ҳаводан, қуруқликдан ва денгиздан ҳужум қилмоқда.
