Ижтимоий тармоқларда Абдулла Арипов иштирокида ўтказилган мажлисда “Амалдорлар ё динни танласин, ёки давлатдаги ишини танласин” деган талаб қўйилгани ҳақида хабарлар тарқалди.
Бош вазирнинг матбуот котиби йиғилиш тафсилотлари нотўғри талқин қилинётгани ҳақида баёнот берди.
Унинг қайд этишича, Бош вазир амалдорларга қарата динни ёки давлатдаги ишини танлаши кераклигини айтгандек қилиб тарқатилаётган хабарлар ҳақиқатга мутлақо тўғри келмайди.
"Ўзбекистон Республикасининг “Виждон эркинлиги ва диний ташкилотлар тўғрисида”ги Қонунида фуқароларнинг диний эркинлиги ва диний эътиқоди ҳуқуқий жиҳатдан кафолатлаб қўйилган.
Блогерлардан текширилмаган ва ёлғон ахборотларни тарқатмасликларини, тармоқ фойдаланувчиларидан эса бундай мавзудаги хабарларга умуман ишонмасликларини сўраймиз", дейди матбуот котиби.
