Ijtimoiy tarmoqlarda Abdulla Aripov ishtirokida o`tkazilgan majlisda “Amaldorlar yo dinni tanlasin, yoki davlatdagi ishini tanlasin” degan talab qo`yilgani haqida ma`lumot keltirildi.
Bosh vazirning matbuot kotibi yig`ilish tafsilotlari noto`g`ri talqin qilinyotgani haqida bayonot berdi.
Uning qayd etishicha, Bosh vazir amaldorlarga qarata dinni yoki davlatdagi ishini tanlashi kerakligini aytgandek qilib tarqatilayotgan xabarlar haqiqatga mutlaqo to`g`ri kelmaydi.
"O`zbekiston Respublikasining “Vijdon erkinligi va diniy tashkilotlar to`g`risida”gi Qonunida fuqarolarning diniy erkinligi va diniy e`tiqodi huquqiy jihatdan kafolatlab qo`yilgan.
Blogerlardan tekshirilmagan va yolg`on axborotlarni tarqatmasliklarini, tarmoq foydalanuvchilaridan esa bunday mavzudagi xabarlarga umuman ishonmasliklarini so`raymiz", deydi matbuot kotibi.
