Ўзбекистон ташқи ишлар вазири Бахтиёр Саидов кеча Тошкентда Япония Халқаро ёшлар палатаси президенти Масаҳиро Асо билан учрашди.
"Япония Халқаро ёшлар палатаси президенти Масаҳиро Асо жаноблари билан самарали учрашув бўлиб ўтди, - деб ёзди Ўзбекистон ТИВ раҳбари ўзининг telegram каналида. - Палатанинг Ўзбекистонда филиалини очиш ташаббусини олқишлаймиз. Бу халқларимизни боғловчи яна бир муҳим кўприк бўлиб, қўшма лойиҳаларни биргаликда рўёбга чиқариш ва, айниқса, ёшларнинг улкан салоҳиятидан фойдаланишда янги имконият бўлиб хизмат қилади".
Япония Халқаро ёшлар палатаси нотижорат ташкилоти бўлиб, 40 ёшгача бўлган одамларни бирлаштиради.
