O`zbekiston tashqi ishlar vaziri Baxtiyor Saidov kecha Toshkentda Yaponiya Xalqaro yoshlar palatasi prezidenti Masahiro Aso bilan uchrashdi.
"Yaponiya Xalqaro yoshlar palatasi prezidenti Masahiro Aso janoblari bilan samarali uchrashuv bo`lib o`tdi, - deb yozdi O`zbekiston TIV rahbari o`zining telegram kanalida. - Palataning O`zbekistonda filialini ochish tashabbusini olqishlaymiz. Bu xalqlarimizni bog`lovchi yana bir muhim ko`prik bo`lib, qo`shma loyihalarni birgalikda ro`yobga chiqarish va, ayniqsa, yoshlarning ulkan salohiyatidan foydalanishda yangi imkoniyat bo`lib xizmat qiladi".
Yaponiya Xalqaro yoshlar palatasi notijorat tashkiloti bo`lib, 40 yoshgacha bo`lgan odamlarni birlashtiradi.
