Ўзбекистонлик футболчи Абдуқодир Ҳусанов фаолиятини Франция чемпионатида давом эттиришга яқин турибди. Бу ҳақда футбол журналисти Фахриддин Рўзиев ўз Telegram саҳифасида маълум қилди.
Маълум қилинишича, 19 ёшли футболчига “Ланс” клуби қизиқиш билдирмоқда. Ҳозирда “Ланс” клуби вакиллари ва Ҳусановнинг агентлари ўртасида музокара ўтказилмоқда.
Абдуқодир Ҳусанов Беларуснинг “Энергетик-БГУ” клуби футболчиси ҳисобланади. Ўтган мавсум у Беларусь чемпионатида 10 та ўйинда майдонга тушиб, 1 та гол урди. “Transfermarkt”га кўра, Ҳусанов 400 минг еврога баҳоланган.
Таъкидлаш жоиз, Ҳусанов агар “Ланс”га ўтса, у Франция чемпионатида тўп тепадиган биринчи ўзбекистонлик футболчига айланади.
