20 октябрь Туркиянинг Дўзже ва Зонгулдак вилоятларида кучли ёмғирдан кейин кўплаб жойларда сув тошқинлари содир бўлди, айрим уйлар ва қишлоқ хўжалиги экинлари зарар кўрди, деб хабар бермоқда Trend.
Кеча кечқурундан бери Дўзжеда кучли ёмғир автомобиллар ҳаракатида қийинчилик туғдирган, баъзи йўллар ёпилган. Кучли ёмғир туфайли икки қаватли уй қулаб тушган.
Вилоят губернатори Жовдет Атайнинг айтишича, 470 дан ортиқ фуқаро хавфсиз ҳудудларга эвакуация қилинган.
Эслатиб ўтамиз, 7 июль куни Сурхондарёда селдан кейин харсангтошлар қишлоқларни боғловчи довон йўлини ёпиб қўйган эди. Ўша куни Наманганда содир бўлган сел тошқинида 2 аёл ҳалок бўлган эди.
