Қозоғистон президенти Қосим-Жомарт Токаев 19 май куни Сиан шаҳрида Қозоғистоннинг Бош консуллигини очди, деб хабар беради “Тренд”.
Президент матбуот хизмати хабарига кўра, Қосим-Жомарт Тоқаев Хитой томонига мамлакат дипломатик ваколатхонасини очишда кўрсатган ёрдами учун миннатдорлик билдирган.
"Биз раис Си Сзинпин билан жуда мазмунли музокаралар ўтказдик. Қўшма баёнот ва бошқа муҳим ҳужжатлар имзоланди. Ишонч билан айтиш мумкинки, бу ташриф Қозоғистон-Хитой ҳамкорлигининг янги "олтин 30 йиллигини" очди. Албатта, жорий ташриф алоҳида аҳамият касб этади. Бугун мамлакатларимиз ўртасидаги ҳамкорлик тарихида яна бир муҳим воқеа – Сиан шаҳрида Бош консулхонанинг очилиши кутилмоқда. Сиан “Бир камар, бир йўл” иқтисодий лойиҳасининг муҳим нуқтасидир. Қозоғистон билан Шэнси ва Сиан провинциялари ўртасида яқин алоқалар ўрнатилган. Чимкент шаҳри икки давлат ўртасидаги муносабатларни мустаҳкамлашга ёрдам беради”, — деди Токаев.
Якунида у Сиан шаҳрида Қозоғистон консуллигининг очилиши ҳамкорлик ривожига янги суръат бағишлашини қўшимча қилган.
Қозоғистон Шэнси провинциясида ўз дипломатик ваколатхонасини очган Марказий Осиёдаги ягона давлатдир.
ХХРнинг йирик саноат, тарихий ва маданий минтақасида Қозоғистоннинг Бош консуллигини ташкил этиш тўғрисидаги фармон Президент томонидан 2022 йил 5 ноябрда имзоланган. Консуллик биносида дипломатик корпус билан бирга Қозоғистоннинг иқтисодий манфаатларини илгари суриш мақсадида миллий компаниялар ваколатхоналари ҳам жойлашаган.
