Швециянинг ҳарбий альянсга киришига Туркия томонидан тўсиқ қўйилса, Финляндия уни кутмасдан НАТОга қўшилади. Бу ҳақда "Zamon.uz" Финляндия Мудофаа вазири Микко Савола маълум қилди.
Унинг қўшимча қилишича, Хелсинки Стокголм билан бир вақтда иттифоққа қўшилишни афзал кўради.
“Швеция бизнинг энг яқин ҳамкоримиз. Деярли ҳар ҳафта мудофаа кучларимиз биргаликда машғулотлар ўтказади. Бу жуда чуқур ҳамкорлик ва биз бир-биримизга тўлиқ ишонамиз. Лекин ҳозир ҳаммаси Туркиянинг қўлида”, — деди вазир.
Бир кун аввал Финляндия Президенти Мюнхен Хавфсизлик конференциясида мамлакат НАТОга аъзо бўлиш ҳақидаги аризасини қайтариб олишни истамаслигини айтганди.
Венгрия ва Туркия Швеция билан Финляндиянинг НАТОга қўшилишини ратификация қилмаган. Будапешт бу масалани тез орада ҳал қилишга ваъда беради, Анқара эса ратификацияни иккала Скандинавия давлати бажариши керак бўлган бир қатор шартлар билан боғлайди.
