Афғонистонда Толибон хукуматга келганидан бери биринчи марта маҳбус оммавий қатл этилди. Бу ҳақда ҳукумат матбуот котиби Захибулло Мужоҳид эълон қилди дея ёзмоқда "zamon.uz".
Маълум қилинишича, маҳбус қотилликда айбланган. Бу намойишкорона жазо Афғонистон қаттиққўл сиёсатини давом эттиришини англатади.
Ўлим жазосини Афғонистоннинг 3 олий судяси ва толибларнинг олий етакчичи маъқуллаган. Қатл этилган эркак 5 йил олдин бир одамни ўлдириб, унинг мотоцикл ва мобил телефонини ўғирлаганликда айбланган.
БМТ мамлакатга бундай намойишкорона ўлим жазоси қайтганидан хавотирда эканини билдирди.
