Таъмирлаш ишлари сабаб «Қамчиқ» довонининг 251-километрида транспортлар ҳаракати вақтинча чекланади. Бу ҳақда Йўл ҳаракати хавфсизлик хизмати хабар бермоқда.
2022 йил 20 ноябрь куни соат 09:30 дан бошлаб "Қамчиқ" довони ҳудудидан ўтувчи А-373 автомобиль йўлининг 251-километрида транспорт воситаларининг ҳаракати вақтинча чекланади. Чекловга ушбу ҳудудда таъмирлаш ишлари олиб борилиши сабаб бўлган.
Мазкур ҳудудда транспортлар учун ҳаракат қайта тикланиши бўйича қўшимча маълумот берилади, дейилади хабарда.
