Яқин йилларда Европа Иттифоқи ўзини етарли миқдорда газ билан таъминлай олади. Ҳеч бўлмаганда 2024 йил охиригача ёқилғининг жиддий танқислигидан қочиш мумкин. Бу ҳақда Европа комиссари Паоло Гентилони матбуот анжуманида маълум қилди, дея хабар беради “РИА Новости”.
2022 йил охиридан 2024 йил охиригача бўлган даврни ҳисобга олган янги прогнозда айтилишича, етказиб беришни диверсификация қилиш ва тежамкорлик сиёсати орқали Россияга газ қарамлигидан халос бўлиш оқибатларини бартараф этиш мумкин.
Аввалроқ, 2022 йилда Европа суюлтирилган газ харидини кескин оширгани маълум бўлган эди. Биринчи ўн ойлик натижаларига кўра, уни етказиб бериш 105 миллиард куб метрга етди. Бир йил аввал, худди шу даврда, ушбу кўрсаткич бор-йўғи 64 млрд куб метри ташкил этган.
Россиядан газ етказиб беришнинг кескин қисқариши ер ости омборларини тўлдиришга имкон бермайди, деган хавотирлар амалга ошмади. Ноябрь ойи бошига кўра, ҳажмнинг 95 фоизи тўлдирилган. Шу фонда газнинг биржа нархлари минг куб метр учун 1000 доллар даражасига тушди, бу сентябрь ойидаги энг юқори кўрсаткичдан уч баравар паст дегани.
