Москвадан Бухорога учган самолёт Навоийга фавқулодда қўнишга мажбур бўлди

"Москва-Бухоро" йўналишидаги самолёт эрта тонг Бухоро халқаро аэропортида об-ҳаво шароитининг ноқулайлиги боис захира аэродром Навоийга қўнган. 

Самолёт қўниш чоғида аэродромда горизонтал кўриниш масофаси 300 метрни, вертикал кўриниш масофаси 130 метрни ташкил этган қалин туман тушган. 

Бугун куннинг биринчи ярмида республика марказий вилоятлари, Қашқадарё вилоятининг кўплаб туманларида қалин туман тушиш ҳодисалари кузатилди, кузатилмоқда.